اول ما تخلص الجامعة طبيعى انك تفكر فى الشغل على طول
الخطوة الاولى تبدأ تظبط CV بتاعك وتقدمة للشركات ممكن يتصلوا عليك وممكن لا فى حالة ان حد كلمك من الشركة يبقى انت عندك فرصة تعمل interview
* من أهم الاسئلة فى المقابلة هيسألك على experience
* طبيعى أنك تكون متخرج حديث و معندكش خبره وممكن فى الحالة دى تضيع منك الوظيفة اللى انت محتاجها متخيل الموقف أكيد هتكون مضايق، وده سبب أنى بكتب الكلام ده دلوقتى علشان اساعدك تأخذ الخطوة وتثبت للشركة أنك أحق بالوظيفة دى من غيرك
ركز معايا علشان يكون عندك خبره وأنت لسه فى الجامعة تعمل ايه ؟!!
* اول حاجة فى الكلية عندك فرصة انك تشارك فى student activities
المشاركة فى الانشطة الطلابية هيساعدك تتعلم :
– التعامل مع الطلاب بالتالى هتوسع دائرة معارفك
– هتتعلم ازاى تكتسب مهارات العمل الجماعى بشكل عملى
– هطور مهارات الاقناع عندك من خلال طرح افكارك لمجموعة كبيرة من الطلاب
– هتتعلم ازاى تدير وقتك بشكل كويس
– هتتعلم تهتم بأولوياتك وتظبط الاهم قبل المهم
* حضور الدورات التدريبية و المحاضرات لانها بتزودك knowledge وتطبيق knowledge ده هيساعدك تتعلم Skills جديدة
* فى الاجازة هيكون عندك فرصة تعمل ثلاث حاجات مهمة ايوا ثلاثة
– تحضر تدريب صيفى فى شركة متخصصة فى المجال اللى عاوز تشتغل فيه
– تشارك فى العمل التطوعـى فى المجال اللى انت حابب تشتغل فيه بعد كدا
– تقرأ فى التخصص اللى مهتم بيه وتحضر دورات ومحاضرات اقرأ على الاقل كتاب فى الشهر بالاضافه للمقالات اللى بتنزل بشكل يومى ممكن تهتم بيها كمان
الكلام ده نتيجة تجربة شخصية فى فترة الجامعة وما بعد التخرج ونتيجة لكلام سمعته فى أكتر من 19 interview عملتهم لحد دلوقتى فيه اللى نجحت فيه وفى اللى محصلش نصيب بس كلهم بالنسبالى كانوا تجربة رائعة
* الفرصة معاك تشتغل على نفسك وتتعلم علشان تتخرج ويكون لك مكان فى سوق العمل لان المنافسة كبيرة وعدد الظائف الكويسة قليل ، الفكرة أنك تأخذ القرار وتبدأ من دلوقتى تجهز نفسك للاجازة ازاى تخرج بأقصى استفاده
فيه أمل نقدر نكمل مدام عارفين الطريق
ساعد غيرك ينجح لو عندك اى ايضافة تقدر تكتبها نستفاد منها
مقالات الرأي تعبر عن وجهة نظر صاحبها ولا تعبر بالضرورة عن الشرقية توداي
تابع الشرقية توداي على جوجل نيوز 
