أنت كـ ولد لو فكرت تختار شريك حياتك ركز علي :-
– الإنسانة اللي واثقة في نفسها، شخصية عندها طموح، عايشة حياتها لسبب مش مجرد بنت آخر طموحاً الزواج، لأنها لو كده هتتعبك معاها أوي، كل ما تحاول تأخذ رأيها في حاجة مهمة بالنسبالك هتقولك كلامي خيالي غير منطقي .
-ركز علي الإنسانة اللي نسبها وأهلها يشرفوا زي ما وصى سيدنا النبي ، أكيد جمال البنت مهم ليك كـ ولد بس محتاج تفكر نفسك أن الجمال مش بس في الشكل لأنك كده متعرفش معنى الجمال الحقيقي، الجمال اللي تركز عليه بالإضافه للشكل إنك تشوف فيها الزوجة الصالحة جمال الأخلاق و الرقي في التعامل من الأخر تركز علي الجوهر لأنه أهم من المظاهر .
لو جمعت أجمل نساء العالم في مكان واحد و قفلت النور كلمهم هيتساوا في الشكل إنما استحالة يتساوي في العقل و التفكير و الطموح و هو ده بقي السر إذا كنت عايز تعيش حياتك بشكل صحيح .
وأنتي لو هتختاري شريك حياتك ركزي علي .
-الأخلاق قبل كل شئ، التعامل بتاعه سواء معاكي أو مع غيرك، ما يميز شخصية الولد عقله ثم عقله ثم عقله، اختاري إنسان يفكر معاكي إزاي تعيشوا حياة جميلة كلها سعادة، اختاري إنسان يعيش معاكي التحديات مش يعيش عليكي.
وبلاش في قرارك تتسرعي التفكير مهم، و بعدين متخفيش من حاجة أي كانت التجارب اللي مريتي بيها قبل كده، الناس مختلفة عن بعضها و التجارب بتتغير .
نصيحة بلاش تقارني نفسك بصحابك، كل واحد بيعيش حياته هو، لو صحبتك مبسوطة بشكل معين مش بالضروره تكوني مبسوطة بنفس الطريقة .
نجاح الزواج ملوش علاقة بالشهادة، الاختيار الصح أساس النجاح، ممكن الشهادات تكون زي بعض و لكن ميحصلش توافق نهائي، اختاري اللي يترتاح ليه قلبك و يتقبله عقلك .
الاختيارات بتختلف من شخص للثاني كلامي معبر عن وجهة نظري و خبرتي من خلال شغلي أربع سنوات كـ كوتش ، مهم يكون عندكم مرونة لأن حتي الاختيار ليس نهاية المطاف الطبيعي أن فترة الخطوبة بتساعدكم أكتر تعرفوا بعض بشكل عملي لان أكيد هيحصل بينكم مواقف كتير تقيس إذا كُنتُم ينفع تكملوا مع بعض أو لا .
الحمدلله .
تابع الشرقية توداي على جوجل نيوز 
