كنوع من التفكير خارج الصندوق أطلق مصمم منتجات رقمية تطبيق مزنوق لمساعدة الناس على عرفة أقرب حمام في المنطقة أو المكان الموجودين فيه.
كونها الكلمة الأكثر استخدامًا بين الناس، وخاصةً المصريين للتعبير عن الحاجة لدخول “الحمام” بشكل سريع، خاصةً إذا كان الشخص موجود بالشارع أو مسافر لمكان جديد.
ومن منطلق معاناة كبار السن وأصحاب الأمراض المزمنة كالسكر والكلى والتهابات المثانة أو القولون، من الحاجة المتكررة للدخول للحمام، وهو ما يسبب لهم حرج ومعاناة أثناء تواجدهم بالشارع.
تطبيق مزنوق
ابتكر الشاب “أحمد علي” مصمم منتجات رقمية، فكرة تطبيق جديدة من نوعها، وأطلق عليه اسم “مزنوق” كونها الأكثر تعبيرًا وسهولة.
حيث يساعد التطبيق مستخدمه هلى معرفة أقرب حمام من مكان تواجده الفعلي فور الدخول عليه.
ونقلًا عن “الوطن” قال صاحب فكرة التطبيق، بأنه متوفر حاليًا على الهواتف بنظام التشغيل IOS، حيث قال أحمد:
التطبيق شغال في مصر بدأنا من فترة كبيرة، والهدف منه أنه بيوصل الشخص لأقرب حمام في منطقته، وحاليًا موجود على بلاي ستور وممكن قريب يبقى على الأندرويد.
وعن فكرة التطبيق فقد قال مصممه:
فكرة التطبيق جاتلي لأني مريت بمواقف شخصية كتير، وكانت معضلة إني ألاقي حمام نضيف في الشارع، وحتى الحمامات العامة مهملة جدًا والمفروض كمان إني بدفع فيها فلوس.
وعن الدافع وراء تنفيذالتطبيق، فقد قال “أحمد علي” أنه يعمل بمجال تصميم التطبيقات والمواقع الالكترونية منذ حوالي 10 سنوات.
وقد فكر في ابتكار طريقة يساعد بها الأطفال وكبار السن وأصحاب الامراض المزمنة.
موضحًا: دلوقتي أي حد في الشارع شاب صغير، أو كبير في السن، أو مريض سكر أو مريض كلى، أو حامل ، أو حد معاه أطفال، عندهم مشكلة أنهم يلاقوا حمام في الشارع، وممكن كمان الشخص ميكونش عارف أقرب حمام ليه فين، والتطبيق ده هيسهل عليه جدًا يعرف أقرب حمام.
تطبيق مزنوق لمعرفة أقرب حمام
شرح “أحمد” أن التطبيق يساعد الشخص على البحث عن أقرب أماكن يتواجد فيها حمام، مثل: بنزينة، أو كافيه، أو مطعم، أو غيرهم.
مضيفًا أن التطبيق الآن مازال في مرحلة تجريبية، وأشار أنه يتم العمل على مراجعة لأي مكان الذي يظهره التطبيق قبل إدراجه في التطبيق.
قائلًا: بنعمل مراجعة للمكان ده وبنخلي حد من نفس المنطقة المحيطة يتأكد من المكان ده والخصوصية اللي فيه، وبعدها بيتم إدراجه في التطبيق عشان نضمن أنه كويس.
كما أشار أن التطبيق يعمل على التعاقد مع عدد من الحمامات، للسماح بالدخول فيها برسوم بسيطة مثل جنيه أو 2 جنيه فقط.
موضحًا: مش كل الأماكن زي بعض بيكون الموضوع مختلف، وتطبيق مزنوق معمول في مصر ومتوجه للسوق المصرية وبعدها ممكن يبقى بره مصر، والتطبيق في المرحلة التجريبية في المدن الرئيسة في مصر وبنضيف الأماكن بطريقتنا إحنا.
واستأنف أحمد: إحنا متبعين مبدأ أن لا ضرر ولا ضرار، وأن ميكونش في ضرر على صاحب المكان ويكون في منفعة كمان في المرحلة الفعلية..
مؤكدًا على أن التطبيق متوفر مجاني على “متجر آبل” وأنه يعمل حاليًا لتوفيره على أجهزة أندرويد لتعميم الاستفادة منه.
تابع الشرقية توداي على جوجل نيوز 
