مقالات القراء

مقالات القراء |دكتور شريف حجازى يكتب:حتى انتي يا نغم

28638 123644650998846 100000599363551 209619 5482906 n

واحده اتخطفت زي ما كل يوم بيحصل يعني .. ايه المشكله .. 
اكيد ده ملوش اي علاقه خااااالص بحمله دعم الشيخ حازم .. وكلنا عارفين ان الشيخ حازم حبيب المجلس بدليل انه يوميا كان بينزل الميدان بينادي بتسليم السلطه.. ” بالضمه مش بالفتحه ” 

وبما ان الشيخ حبيب المجلس يبقا اجهزة الدوله كلها لازم توجب معاه احلى واجب .. 

المشكله بقا مش في اختفاء نغم الهلباوي .. المشكله فيها شخصيا .. الامن بتاعنا المحترم قوي اللي بيحفظ الامن ويمنع ترويع المواطنين جاب التايهه .. قال دي هربانه مع واحد من على الفيس بوك ..
مش ده يا باشا اللي كنت بتقول عليه ” فيك بوس ” قبل كده .. ما شاء الله بتتعلم بسرعه اهو ..
وكلنا عارفين بما اننا شعب متدين ان اي حد حافظ القران الكريم وبيدرس القران وتربي في بيت لا يعرف الا طاعه الله والرسول ولا يبتغي غير رضوان الله بيكون سطحي وصايع وممكن يهرب مع اي حد قابله على الفيس .. ده الطبيعي .. 

طيب نيجي لنقطه تانيه اقتحم بيتها مجموعه تقريبا اتنين في وقت هي فيه لوحدها على البيت وواحد منهم قعد على جهاز كومبيوتر اخوها قائد حمله الترشح .. 

هنا بقا نستنتج حاجتين .. اول حاجه ان الجهاز او التنظيم او اي كان اللي عمل كده يعلم تماما انها لوحدها وغالبا الجهاز ده مسؤول عن حمايه الدوله من الارهاب والتجسس فقرر ان يقوم هو بالارهاب والتجسس بمبدأ الهجوم خير وسيله للدفاع .. أرجع اقول جدع يا باشا .. 

الحاجه التانيه ان وجود الشيخ ابو اسماعيل اكيد مدايق شويه ناس كده .. او خايفين منه ..” الله اعلم ” 

الغريب انك تلاقي الناس المستنكره هي هي .. والناس المصدقه البيانات الفارغه هي هي بردو .. 
مهما اختلفت المعايير او الظروف او الملابسات او الاشخاص بردو مصدقين مش للدرجادي السذاجه يعني .. 
بس الرساله واضحه جدا على فكره …
” تنتهكون الاعراض فتُنتَهك أعراضكم .. تستبيحون المحرمات .. فتهبطون الى ما دون النعال .. ” 

Eman Salem

كاتب صحفي ورئيس تحرير موقع الشرقية توداي

تعليق واحد

  1. تعودت أن أصدق ماتراه عيني لا ما تقرؤه أو تسمعه أذني .. إن كانوا هم بهذا الغباء فليس كل ما يسمع القصة بنفس الدرجة
    ولن أدعي على شخص إدعاء لمجرد رأي أو قصة الله وحده أعلم صحتها

زر الذهاب إلى الأعلى