كتبت | سارة عياد
نشرت الفنانة «مى كساب» عبر حسابها بمواقع التواصل الإجتماعى «إنستجرام» صورة لأوكا وأورتيجا، ومعلقة عليها برسالة لكل متابعيها، ومطالبة بالدعاء لهما لأنهما مظلومان، على حد قولها.
وقالت مى فى رسالتها: «كل إللى يعرفنى من قريب يعرف كويس أنى عمرى ما كرهت حد ولا عمرى اذيت حد ولا عمرى عملت تصرف مخل بالشرف ولا اتنازلت عن شرفى ولا كرامتى فى يوم من الأيام واستحملت ظلم كتير واضطهاد ومحسوبيات».
وأضافت مى : «وكنت طول الوقت بأصبر نفسى بكلام أبويا الجميل إللى ربانى على القناعة كان دايما يقولى أنتى عاملة زى عسكرى فى الجيش كل شويه بيترقى بجهده وتعبه ويتنقل من سلاح لسلاح أنا مريت بظروف صعبة كتير فى حياتى».
وتابعت مى : «للأسف بقالى 4 سنين مش باشوف يومين حلوين على بعض أنا باعيش اقسى أيام حياتى من يوم 1/12/2012 يوم ما اكتشفت أن أمى عندها السرطان وأنا مش مى أنا واحدة تايهة مش لاقية نفسها موت أمى كسرنى ومن بعدها أحداث كتير قوى وجعتنى القريبين منى عارفين انا استحملت حاجات صعبه كتير اد ايه السنين اللى فاتت».
و اختتمت رسالتها قائلة: «طبعا لما باتكلم عن محمد كأنى باتكلم عن أحمد كمان #أوكا_وأورتيجا روح واحده فى جسدين ثقتى فى رب العالمين كبيرة جدا أنه هينصرهم ويفك كربهم ثقتى فى عدالة القضاء العسكرى كبيرة أنه مش هيظلمهم ثقتى فى قلوبكم الرحيمة كبيرة إنكم هتقفو جمبهم ادعولهم وادعموهم اقسم بالله العلى العظيم #اوكا_واورتيجا_مظلومين».
https://www.instagram.com/p/BSX5tNBDff-/
تابع الشرقية توداي على جوجل نيوز 
