نصائح لص تائب للحفاظ على المنازل من السرقة

كتبت | ماهينار العشري

تذكر اللص التائب مغامراته التي اقتنص خلالها ملايين الجنيهات وسلمها لوزارة الداخلية، بعدما عاش بين الناس بإعتباره رجل أعمال وهو في الحقيقة «هجام شقق».

الشخص عاد لدقائق في دور «الحرامي» خلال لقائه ببرنامج «تفاصيل» علي قناة «المحور»، لتقديم بعض النصائح للمواطنين من أجل عدم تعرض شققهم للسرقة.

اللص التائب يقدم 8 نصائح للمواطنين لتفادي السرقة نستعرضها كما يلي:

طريقة الحفاظ على المنازل من السرقة

1. اشتري باب حديد لشقتك؛ «الحرامي لما بيشوف الباب الحديد مش بيكسره وبيزهق منه وبيكره صاحب الشقة، والباب الحديد أحسن من 10 حراس وبيعمل صوت ومبيتكسرش».

2. اختار نوع كالون قوي للباب؛ «هات كالون 6 تكات محترم».

3. السرقات بتكتر في المواسم والأعياد والإجازات؛ «الموسم بتاع الحرامية في الأعياد وشم النسيم».

4. في حالة خروجك اترك الراديو أو التلفزيون يعمل؛ «في الأعياد وشم النسيم متطلعش ولو هتطلع سيب الراديو أو التلفزيون مفتوح و سيب اللمبة منورة  عشان يبان إن فيه صوت جوا».

اقرأ أيضاً: المصابيح الزيتية الهندية تدخل موسوعة جينيس

5. لا تضع جنزيراً على الباب أو قفل عند سفرك؛ «لما بتحط جنزير وقفل بتعرف الحرامي إن مفيش حد جوة ولما بيشوف قفل أو جنزير بيفرح».

6. إحذر من جرائم السرقة على الطريق؛ «لو انت راكب عربية متسيبش أي أزاز مفتوح لأن فيه واحد بيكلمك وواحد بيسرقك الناحية التانية».

7. كن حذرًا عند تعرضك لتصادم خشية السرقة؛ «لو فيه حاجة خبطت عربيتك اقفل عربيتك وامسك المفتاح وانزل».

8. احرص على إغلاق الشبابيك والمنافذ الموجودة في الشقة؛ «اقفل المنافذ والشباك اللي في المنور».