بعد انتشار صورة للفنانة حورية فرغلي وإثارتها للجدل خلال الأيام الأخيرة، وتداولها بشكل واسع مع تعليقات تتضمن أن الصورة لحورية عقب خضوعها للعملية الجراحية الأخيرة بأمريكا.
وهو ما دفع حورية للخروج عن صمتها والتعليق لأول مرة على تداول صورة لها.
حيث شاركت فرغلي في مداخلة صوتية ببرنامج “لايت شو” المذاع على “الحياة”، وعلقت على الصورة قائلة:
أنا عملت عمليتين والتالتة هعملها يوم الأربعاء بإذن الله، بس أنا زعلانة جدًا لأن الصورة المتداولة دي التقطت بعد أول عملية عملتها من 5 أو 6 سنين تقريبًا، وكانت العملية في لندن وهي سبب فشل العمليات اللي بعدها.
وتابعت: دي مش صورتي الحقيقية دلوقتي ومش ده شكلي دلوقتي، أنا الحمد لله أحسن بكتير وشكلي مختلف تمامًا، في الصورة دي كانوا شالوا العظمة والمسمار اللي كانوا عندي، وكان لسه معملتش في مناخيري أي حاجة.
وأكملت: الصورة دي كانت عندي على فيسبوك، والحساب بتاعي اتهكر واتسرق ومعنديش فيسبوك ومعرفش اتاخدت إزاي.
واختتمت كلامها: حسبي الله ونعم الوكيل في أي حد بيقول كلام عني غير صحيح، وأنا ممكن أبعت للصحافة صورتي الحقيقية لكن الدكتور رفض إني أعمل كده غير لما أعمل العملية الرابعة، والصورة المتداولة لي غير حقيقية وأنا مش هتكسف أقول لو حقيقية.
تابع الشرقية توداي على جوجل نيوز 
