حورية فرغلي تخرج عن صمتها.. انتشرت صورة للفنانة حورية فرغلي خلال الساعات الماضية عبر مواقع التواصل الإجتماعي.
وأشار البعض إلى أن هذه الصورة هي شكل وجهها بعد خضوعها لعملية جراحية ثانية في أميركا.
حورية فرغلي تخرج عن صمتها
وخرجت حورية فرغلي عن صمتها لأول مرة بعد تداول صورتها المثيرة للجدل ووضحت حقيقة الصورة المتداولة عن طريق تسجيل صوتي لبرنامج “لايت شو” عبر فضائية “الحياة.
وقالت فرغلي، في التسجيل: “أنا عملت عمليتين والتالتة هعملها يوم الأربعاء بإذن الله، بس أنا زعلانة جدا لأن الصورة المتداولة دي التُقطت بعد أول عملية عملتها من 5 أو 6 سنين تقريبا، وكانت في لندن وهي سبب فشل العمليات اللي بعدها”.
وتابعت: “دي مش صورتي الحقيقية دلوقتي، ومش ده شكلي دلوقتي، أنا الحمد لله أحسن بكتير، وشكلي مختلف تماما، في الصورة دي كانوا شالوا العظمة والمسمار اللي كانوا عندي، وكان لسه معملتش في مناخيري أي حاجة”.
وأكملت: “الصورة دي كانت عندي على فيسبوك، والحساب بتاعي اتهكر واتسرق ومعنديش فيسبوك ومعرفش اتاخدت إزاي”.
وأردفت: “حسبي الله ونعم الوكيل في أي حد بيقول كلام عني غير صحيح، وأنا ممكن أبعت للصحافة صورتي الحقيقية لكن الدكتور رفض إني أعمل كده غير لما أعمل العملية الرابعة”.
اختتمت: “الصورة المتداولة لي غير حقيقية، وأنا مش هتكسف أقول لو حقيقية”.
تابع الشرقية توداي على جوجل نيوز 
