كتب | أبانوب وجيه
دشن الرئيس «عبدالفتاح السيسي» ، استراتيجية التنمية المستدامة «مصر 2030» بمسرح الجلاء بحضور ممثلين عن شباب مصر وشخصيات عامة ومتخصصين في المجالات المختلفة.
وتنقسم استراتيجية مصر 2030 إلى 12 محوراً رئيسياً تشمل ، التعليم ، و الابتكار و المعرفة و البحث العلمي ، و العدالة الاجتماعية ، و الشفافية ، و كفاءة المؤسسات الحكومية ، و التنمية الاقتصادية ، و التنمية العمرانية ، و الطاقة ، و الثقافة ، و البيئة ، و السياسة الداخلية ، و الأمن القومي ، والسياسة الخارجية ، والصحة.
و قال «السيسي» «إن كل من يقدم على شقة وتنطبق عليه الشروط هياخدها» ، مازحاً «الشقق هتكون بالشكل اللي شوفتوه عند السجادة الحمراء..فاكرين».
وأضاف ، أن الـ100 ألف شقة تتكلف 16 مليار ونصف مليار جنيه.
وأكد الرئيس ، إن أكتر من 50% من مساحة مصر عشوائيات، قائلاً «بنتكلم على العدالة الاجتماعية.. والناس مرمية ومصورنهم فى التليفزيون ويقولك فين الحكومة والدولة! وبيعيرونا بفقرنا بس أنا مش هسكت».
وأضاف ، «لو إحنا مصريين بجد منمنش إلا لما نبنيها.. ولما حد يوجعنى ببقى مش عايز أرد عليه».
وتابع ا«لمناطق العشوائية عندنا 4500 قرية فى مصر ولو مخدناش بالنا وتصدينا للمشكلة مظبوط هيبقى بعد 15 سنة فيه 35 ألف قرية عشوائية، وكل الظهير الصحراوى بتاع الصعيد النهاردة يُدرس لإطلاق مساكن فيه علشان نوفر للناس مساكن واللى هتكمل على الاراضى الزراعية».
وأوضح ، إن هناك 250 مليار جنيه خدمة الدين، قائلاً «أى أن سلف الدولة حتى عام 2011 كان حوالى 1000 مليار ، وخلال الأربع سنوات الماضية أصبح 2000 مليار والرقم الحقيقى أكثر بكثير».
وأضاف «لما الناس التقت بيا فى الحملة قولت الكلام ده أحسن حد يتصور إنى بقول كده علشان موقع الرئاسة، أنا بقوله للناس علشان تبقى عارفة».
ووجه الرئيس ، حديثه إلى المصريين قائلاً «أنتو هتعرفوا أكتر منى.. الحكومة دى كويسة ولا لأ.. وأنا بقعد معاهم كل يوم.. وأنا مش بدافع عن حد.. وهو مسئول الحكومة بياخد أيه علشان يستحملك وتضرب فيه ليل ونهار وفى الجرائد وغيره».
وأضاف «السيسي» خلال «لو فى حاجة عايزة تتعدل هنعدلها وأرجو إننا نوفر مناخ جيد وحافظوا عليه وشجعوه» ، مؤكداً وجود الكثير من التحديات.
وطالب الرئيس بضرورة تناول أداء الحكومة بشكل موضوعي وعلى أسس سليمة.
تابع الشرقية توداي على جوجل نيوز 
