كتبت | ثريا غنيم
تداول أحد النشطاء على موقع التواصل الأجتماعي فيسبوك فيديو يكشف فيه عن السرقة التي تعرضت لها في أحد محلات الملابس المشهورة على يد ممن قال عليهم «عصابة بتفهم هيا بتعمل ايه».
صرخ « رمضان عبدالرحيم»: «مراتي اتسرقت وأنا واقف جنبها، وحولينا خمسه من الناس اللي شغالين في المحل، والشنطه اتفحت والتليفون اتسرق في ثانيه وما حدش خد باله».
واستكمل قائلاً : «المرعب في الموضوع إننا قاعدنا حوالي ساعه إلا ربع جوه المحل والناس ديه كانت متبعانا ومركزه، يعني ناس فاهمه هيه بتعمل إيه كويس حتى الواد الصغير ده متدرب كويس قوي وكان عارف إزاي يشغلني وما أخدش بالي منه».
وأضاف «عبد الرحيم» : «الغريب بقي إني لما روحت أبلغ قالولي للأسف دول مش مسجلين، طب ما حضرتك ملامحهم واضحة وممكن تيجبهوم علشان الموضوع ده ما يتكررش وبعدين واضح حضرتك إن دي عصابه مش حد بيسرق كده وخلاص، طب حضرتك اعمل محضر وهات علبه التليفون واحنا هنعملو تتبع».
وفي نهاية الحديث قال : «طبعا الباقي مش لازم أحكيه أنا مش فارق معايا التليفون يرجع ولا ما يرجعش أنا فعلا اللي فارق معايا إن الناس دي تتمسك علشان ده ما يحصلش تاني شير وافضح علشان ما يحصلش كده معاك».
تابع الشرقية توداي على جوجل نيوز 
