كتب | شادي زعبل
انتشر العديد من الجدل بين رواد موقع التواصل الاجتماعي فيس بوك بسبب رد فعل عمرو دياب على أحد جماهيره الذي قام بطلب أغنية منه .
وتداول بعدها رواد موقع فيس بوك فيديو يرصد واقعة رفض عمرو دياب خلال حفل جامعة مصر الدولية غناء أغنية «قال فاكرينك» الذي رفض الهضبة غنائها وأحرج الشاب .
قام صاحب الواقعة عمرو وائل، وهو طالب يدرس إدارة أعمال في جامعة مصر الدولية بتوضيح كواليس الواقعة بعدما أحدثت صدى واسع وأدت إلى الهجوم على عمرو دياب .
وقال: اللي حصل إن أنا واتنين صحابي قعدنا نقول قال فاكرينك، فقالي يا عم مش هغنيها منا لو عايز كنت نزلتها في الألبوم انت مش هتمشيني علي مزاجك، لو مش عجبك متسمعنيش، مضيفًا ضحكت واعتذرت لعمرو، ضحكلي وقالي أيوه كده.
وتابع: أنا مش زعلان منه، هو كان بيهزر وكل الناس عارفة إن هو كان بيهزر، وأنا مش زعلان أنا أصلا بحبه جدًا والله، وطلبتها مرتين بس والناس كلها بتهبد اللي حصل إن هو كان بيهزر أصلًا وكان بيضحك وهو بيتكلم.
ورد الشاب بعد الهجوم على عمرو دياب، قائلا: أنا شايف الناس بتحكم على حاجة هما مكنوش فيها ومحضروهاش، ملهمش إنهم يتكلموا أصلا طالما مكنوش موجودين.
يُذكر أن الشاعر بهاء الدين محمد صاحب كلمات “قال فاكرينك، أعاد نشر الفيديو المتداول على صفحته، معلقًا، في حد يعمل كده؟!، الأغنية دي مبقتش أغنيتي ولا أغنيتك!!.. دي أغنية الجماهير !!أول مرة أشوف حد بيحارب نجاح أغنية له !!، معلش.. (الحقيقة) مُرة.. ولسه.
تابع الشرقية توداي على جوجل نيوز 
