كتب | أحمد الدويري
في تطور سريع للأزمة التي نشبت بين المطرب محمد رشاد والإعلامية ريهام سعيد، بسبب كشف الأخيرة عن مرض مي حلمي بعد تأجيل زفافها على رشاد دون إبداء أسباب وقبل الزفاف بدقائق.
أولاً تصريحات محمد رشاد ضد ريهام سعيد:
إلى الإعلامية ريهام سعيد أولا إسمي وحياتي الخاصة والعامة لا تعنيكي في شئ ومسمحش إنك تصوريني في صورة إنسان مستهتر بمشاعر إنسانة بيحبها أو بينا شئ محترم ولكن يمكن محصلش بينا نصيب لخلافات خاصة بينا قبل أي حد كائن من كان والقرار بخيره أو بشره عائد علينا أولاً وأخيرًا قدر الله وما شاء فعل إن لم يشأ لو يكن وإن شاء قد كان.
وتابع: ثانيًا المصادر الموثوقة اللي قالتلك إن مي جالها جلطة في المخ موصلتش لحضرتك إنها كانت معايا أثناء عرض الحلقة بتاعتك بنحاول نوصل لحل يرضي أطراف الخلاف اللي حدث يوم زفافنا ومكنش ولله الحمد عندها جلطة فالمخ بعد الشر عنها وعن أي شخ، معتقدش هتوصلك لأن مصادر يا أستاذة يا كبيرة ضعيفة.
رد ريهام سعيد على محمد رشاد:
وفي رد سريع عليه نشرت ريهام سعيد صورة مكتوب بها تصريحات وكانت كالتالي: رد واجب لفنان صاعد: أولاً أنا في حالة صدمة من تصريحاتك الصحافة كلها بتتكلم لمدة 3 أيام ومقررتش ترد غير عليا مع إني الوحيدة اللي متكلمتش على سبب الانفصال لأنه خاص بيك.
ثانيصأ: مفيش حاجة اسمها حياة شخصية دي الضريبة وبالرغم من علمنا بالموضوع يوم الأحد ماذعناش حرف يوم الأحد لحد ما الصحافة كلها اتكلمت مي دخلت المستشفى ولحد ما كلمتها مكالمة وقال هتتكلم عن الموضوع في برنامجي.
ثالثًا: حضرتك قمت بتأليف سيناريو إن أنا قولت إنك إتخليت عنها ممكن يوكن إحساسك لكن أنا ما قولتش حاجة شبه كده حتى، انا قلت بتمنى إنكوا تتصالحوا ولو ما حصلش يبقى خير ليكوا انتوا الاتنين.
رابعًا: أنا قلت إني بتكلم عنها مش عنك لأن البنت دايمًا بتتأثر بإلغاء الفرح أكتر من الراجل أستاذ محمد رشاد الـ 5دقايق اللي في صبايا اللي بتمنى فيهم الشفاء لزميلة وبواسيها ما يجوش حاجة جنب الأخبار اللي على المواقع ما تاخدش ريهام سعيد كبش فدا وركز مع مرض خطيبتك وإلغاء زواجك اللي هما أهم بكتير ولللعلم مصادري من أقرب الأقربين لمي وموثقة بصور المحادث.
وأخيراً زي ما قلت في الحلقة اللي انت ما شوفتهاش بتمنى لكم كل التوفيق.
إقرأ أيضًا:
أول تعليق لمحمد رشاد بعد تأجيل زفافه على مي حلمي .. ويهاجم ريهام سعيد
تابع الشرقية توداي على جوجل نيوز 
