أعلنت أسرة وأصدقاء محاربة السرطان سارة ابو الوفا، خبر وفاتها منذ قليل، وذلك بعد فترة كبيرة من محاربتها لمرض السرطان.
وكانت قد تعرضت البطلة سارة أبو الوفا، لأزمة صحية خلال الأيام الماضية، نُقلت على إثرها للمستشفى ومكثت بها عدة أيام، حتى فاضت روحها إلى بارئها وأُعلن خبر وفاتها منذ ساعات قليلة.
ومن المقرر أن يتم تشييع الجنازة اليوم الاثنين، من احدى مساجد كفر الدوار.
سارة ابو الوفا
وما أن تم الاعلان عن وفاة جميلة كفر الدوار ومحاربة السرطان “سارة ابو الوفا”، حتى تحولت صفحات التواصل الاجتماعي المختلفة لصفحات عزاء، حزنًا على وفاتها.
حيث شهد لها الجميع بجمال روحها وحسن خلقها وقوتها وصبرها على تحمل مرض السرطان ومحاربتها من أجل الشفاء لفترة طويلة.
وتداول رواد السوشيال ميديا عددًا من المنشورات التي كتبتها سارة على صفحتها الشخصية على موقع “فيسبوك” تحكي فيه عن مرض السرطان وعن رحلة علاجها، مع تعليقات بالدعاء أن يجعل الله مرضها شفيعًا لها.
ومن ضمن هذه المنشورات، منشورًا عبرت فيه “سارة ابو الوفا” عن قصتها، بكلمات مبكية ومؤثرة قالت فيه:
مريض الكانسر عامل ازاى ياترى؟ هل قاعد ف المستشفي دايما ولا بين البيت والمستشفي؟ طب وشكله هو هو ستمبه واحده كلنا قرع ومن غير ملامح؟ طب لو طلعلنا شعر وبقي عندنا ملامح لا دول خفوا ملناش دعوه بيهم؟ طب لو خرجوا بقي؟ لا دول خفوا وتعافوا والدنيا بقت عاااال العاااال..
توضيح لحاجات كتير عايزه اقولها بقالي فتره طويله وللأسف بقالي كتير تعبانه مش قادره حتي اكتب بوست، انا اتقالي انتي اتعافيتي وبقيتي كويسه ودي راحت عملت عيد ميلادها ع البحر ايه لزومه ما تعمله ف كافيه جمب البيت، وما البنت كويسه اهو اومال فيه ايه؟
هل مطلوب مننا ك مرضي كانسر نتجول ب انبوبه اكسجين ولا نمشي قرع؟.. علفكره انا لو ممشيتش قارعه ف دا عشان انا محجبه ولو ممشيتش من غير ملامح ف وشي ف دا عشان ناس مكنتش هتقدر تشوفني كده وانا احب ادلع نفسي عادي..
واستكملت: لكن انا كان عندي التقبل الكامل لشكلي ومش معني أن بقي فيه ملامح انى كده خفيت، بالعكس أنا حالتي اساسا اتدهورت جدا والورم مستجبش للعلاج، وكل الى خدته الفتره الي فاتت ع الأرض والورم كبر وانتشر وتعبت تعب محدش يعرفه غير الي حواليا.. وصلت ل أن ماما استودعتني ف يوم عند ربنا
وتابعت: ف انتو بتهروا ف ايه وبتبصوا علي حياه مين وتركزوا فيها، اليومين الي بكون كويسه فيهم وبقدر انزل واتحرك منا بقعد اضعافهم ف المستشفي.. مش من حقي لما اكون كويسه اني اعيش حياه طبيعيه!! دعوا الخلق للخالق يا جماعه ارجوكم وكل واحد يخليه ف حاله..
تابع الشرقية توداي على جوجل نيوز 
