عروس تنهار من البكاء.. أحيا الفنان أحمد سعد حفل زفاف مؤخرًا وغنى خلال الفرح أغنية “بحبك يا صاحبي” مما تسبب في بكاء العروس بشدة.
عروس تنهار من البكاء
ونشر سعد، عبر حسابه على موقع “إنستجرام”، صورا من الحفل وعلق عليها قائلًا: “كنت بغني في فرح، ولكن الفرح كان مليئا بالبكاء، بدأت بأغنية “كل يوم” والناس مبسوطة، وبعدها بغني أغنية (بحبك يا صاحبي) قاموا الناس جريوا عليّا بسرعة وقالولي لأ ماتغنيش أغنية “بحبك يا صاحبي”، ماتغنيش “بحبك يا صاحبي””.
وأضاف: “مافهمتش في إيه؟! فماغنتش “بحبك يا صاحبي”، والعروسة قامت بتعيط وجريت بعيد عن الفرح! فغنيت أغنية تانية قامت العروسة قامت تاني وعيطت وسابت الفرح! مكنتش فاهم في إيه؟! طب أغني إيه؟!”.
شاهد أيضًا: حقيقة مقتل الراقصة لورديانا داخل عقار بمنطقة التجمع الأول
وأكمل: “المعازيم قالولي معلش لأن هي بتحب أبوها جدا وأبوها كان بيحبك حب غير عادي وأنت بالنسبة له أهم حد وكل الأغاني بتاعتك لها ذكريات مع أبوها.. وهي كانت بتغنيله “بحبك يا صاحبي”، لو هو موجود دلوقتي كان أول حد هايجيبه يغني في الفرح كان هيكون أنت، ومش العروسة هي اللي جابتني الفرح”.
واستطرد: “العروسة في الفرح طول الوقت تبصلي وتفتكر أبوها وتعيط، العروسة دي علمتني يعني إيه بنت بتحب أبوها وإن الحب ده قد إيه حقيقي وصادق ونقي وإن الأب ده كان راجل طيب وأب حنين علشان يتغناله من بنته “بحبك يا صاحبي”.. الله يرحمه”.
تابع الشرقية توداي على جوجل نيوز 
