وجهت علياء بسيوني، زوجة الفنان أحمد سعد رسالة غير مباشرة للفنانة سمية الخشاب والفنانة ريم الباروي.
رسالة نارية من زوجة أحمد سعد لـ ريم البارودي وسمية الخشاب
حيث قالت خلال ظهورها في برنامج 90 دقيقة على قناة المحور: “أحمد لو كان وحش كان هيبقى له رد فعل في المشاكل اللي حصلت، يعني مش معقول دايما المشاكل تكون من طرف واحد، الطرف بتاع أحمد عمره ما كان بيرد، وطول ما المشاكل بتيجي من طرف واحد، يبقى أكيد في جانب في القصة مش موجود، لو كان وحش كان طلع دافع عن نفسه”.
ورد أحمد سعد عليها، وقال: “أنا في الفترة الأخيرة علشان أقدر أتقدم بحياتي مبقتش أشوف مشاكل في حد تاني، أنا بشوف المشاكل اللي فيا أنا بس، مشاكل الآخرين وعيوبهم بتاعتهم هما، أنا بقول دلوقتي أنا كنت السبب في كل مشاكلي، علشان أقدر أرتقي بنفسي، وأقدر أفهم إيه المشكلة وأحلها”.
وأضاف: “إنما هفضل عايش بمظلومية وعايش إن الناس ظلمتني، وعايش أتفرج على مشاكل الناس، وأشوف علموا إيه وحش معايا علشان أوصل لكده، عمري ما هتقدم، هتبقى شماعة”.
وعن علاقته بعلياء: “علياء جزء من التغيير اللي أنا عايشه، وأنا عايز التغيير ده ومبسوط به، ومعظم المشاكل اللي بتحصل أنا برجع بعدها وأصالحها حتى لو هي اللي غلط، علشان بحس إن المشكلة دي أنا السبب فيها، وأنا كبرت الموضوع والناس الطبيعية بتعمل ده عادي”.
تابع الشرقية توداي على جوجل نيوز 
