أطلقت شركة فودافون أغنية للمطرب المصري عمرو دياب تحت عنوان يا بلدنا يا حلوة لعمرو دياب والتي حققت مشاهدات كبيرة وتداولها رواد مواقع التواصل الاجتماعي في وقت قصير وبعد إحداثها الجدل ننشر كلمات أغنية يا بلدنا يا حلوة لعمرو دياب .
وترصد الأغنية التراث المصري الأصيل وجمال المباني الأثرية في المحافظات وكذلك الأحياء الريفية والتاريخية .
كلمات أغنية يا بلدنا يا حلوة لعمرو دياب
يا بلدنا يا حلوة بالناس الحلوة، والناس الحلوة في بلدنا كتير
في وشوش سمرا وجميلة تقابلهم تبتسم، صور والنوبة عيلة صورة حلوة بتترسم.
المنيا سوهاج قنا في القلب قريبين، الأقصر أسيوط بيوت بالجدعنة معروفين.
يا بلدنا يا حلوة بالناس الحلوة، والناس الحلوة في بلدنا كتير،
خدلك هنا أحلى صورة منصورة بأهلها، دي محلة جمالها حلة الدنيا كلها،
على راس البر روح اتفرج على الجمال، أشمون واخدة العيون والقعدة هناك خيال.
يا بلدنا يا حلوة بالناس الحلوة، والناس الحلوة في بلدنا كتير، الشرقية الأصيلة أهلي وبلد الكرم.
قلبي على أرض سينا رفرف زي العلم، وحشاني يا بورسعيد، إسماعلية كمان، بسبيس دانا اقول واعيد عن أبطالك زمان.
يا بلدنا يا حلوة بالناس الحلوة، والناس الحلوة في بلدنا كتير، شبرا ومصر القديمة ماري جرجس والحسين
وكنيسة في وش جامع في بلدنا العيد عيدين، اطلع على الأهرامات علشان حبك يزيد هتعيش لك أحلى يوم
دي الفيوم مش بعيد، صبح على اسكندرية وعلى ناسها وأهلها.
أيام غالية عليا في العجمي وشطها، مطروح مطروح كمان حبايبنا الطيبين
شايف سحر المكان هتلاقي ده كله فين، يا بلدنا يا حلوة بالناس الحلوة، والناس الحلوة في بلدنا كتير.
أغنية يا بلدنا يا حلوة لـ عمرو دياب
تابع الشرقية توداي على جوجل نيوز 
