“ميصحش يا ست منى”.. هجوم ناري من مبروك عطية على منى الشاذلي بسبب حلقة أبو جبل (فيديو)

هجوم ناري من مبروك عطية على منى الشاذلي.. وجه الدكتور “مبروك عطية” رسالة إلى الإعلامية “منى الشاذلي”، بسبب سؤال وجهته إلى اللاعب “محمد أبو جبل” في برنامج معكم منى الشاذلي أثناء حلقة الأمس.

هجوم ناري من مبروك عطية على منى الشاذلي

حيث نشر الشيخ “مبروك عطية” فيديو على صفحته الرسمية على موقع التواص الاجتماعي “فيس بوك”، علق فيه على سؤال “منى الشاذلي” إلى “أبو جبل” عن حالته الاجتماعية قائلة: “كُل البنات بتسألني عن حالتك الاجتماعية”.

ليعلق الشيخ عليها قائلاً: “مؤاخذة محترمة على الست المحترمة منى الشاذلي، في سؤالها لمحمد أبو جبل عن حالته الاجتماعية، ملاحظتي على كلمة كل البنات و ده تعميم يا ست منى، لو مصر فيها 60 مليون بنت، يبقى كلهم مهافيف بيسألوا عن حالته الاجتماعية؟”.

و استكمل: “قولي Some، وأنتي خريجة جامعة أمريكية وعارفة، تبقى مبلوعة لكن كل البنات؟، كام واحد زيي هياخد باله من الكلمة دي هيزعل منك، ومن بنات مصر.

و تابع: “في بنات كتير متعرفش حاجة عن الكورة، ولا يعرفوا أبو جبل ولا حتى مو صلاح، وده ميعيبهمش، وفي بنات مهتمة بالكورة، وبيعرفوا يلعبوا كورة، الدنيا أنواع و ألوان، ما يلفظ من قول يامنى، ربنا هيسألك عليها”.

و أضاف: ” أنتي عملتي سيرش وعرفتي إن All، بتسأل عن الحالة الاجتماعية علشان يقول طلق بتاعة الجزائر، ونرغي في الأحوال الشخصية؟، أنا مشكلتي مع كلمة كل، يعني كل البنات عايزة تتجوزه ولا إيه؟، مش ده قصدك برضو”.

و أوضح: “إن كان لا بد قائلةً، قوليله في بنات بتسأل عن حالتك الاجتماعية، أو أنا عايزة أعرف حالتك الاجتماعية، فيها إيه لما تبقي أنتي اللي بتسألي، هو ده معناه إنك عايزة تطلقي من أبو البنات وتتجوزيه بعد ما توفي عدة؟”.

و اختتم حديثه قائلاً: “الله يسامحك ويغفرهالك، وأنا بعتذر لكل البنات المظلومات، اللاتي لا تسأل عن حالة اجتماعية للاعب ولا كيميائي، ولا شخص ما، إنما تجتهد في بر أهلها وعبادة ربها وتذاكر درسها، وربنا يسلم ويستر”.

شاهد في الفيديو التالي هجوم ناري من مبروك عطية على منى الشاذلي