امنعو سير النقل نهارا يتصدر تويتر: لازم حل
تصدر هاشتاج «#امنعو_سير_النقل_نهارا» ، الإثنين، موقع التدوينات القصيرة «تويتر »، خاصة مع تزايد حوادث الطرق .
وعلَّق وليد محمد: «أنا مع إنهم يلغوا المقطورة من العربيات النقل، وطبعًا يتحدد مسار النقل في اليمين ويبقي فيه غرامات كبيرة وضرورة تفعيلها»، بينما كتب محمد التهامي: «طبقوا القانون الكورة في ملعب إدارة المرور يشوفوا شغلهم ويبطلوا تكبير دماغ غير كده كله بلح».
ويرى محمد عصام أن: «المشكلة مش نقل بس.. مفيش رقابة على الطرق مفيش حد بيلتزم بالحارة اللي ماشي فيها نظام مروري فاشل١٠٠٪»، بينما يقول مصطفى زكي: «هو فعلاً النقل بيسبب الكتير من المشاكل بس مش هتختفي طول مفيش قواعد وقوانين تطبق صح»، ويشير ناصر إلى أن «مشكلتنا لا صوتنا بيوصل ولا القرارات تتنفذ»، وأحمد نظمي يقول: «لو الدولة مش هتقدر تساعد على حفظ الأرواح على الطرق يبقي تلغي رخصة القيادة بقي. وأي حد يسوق وهي مغامرة وخلاص».
وطالبت هنا: «ياريت يصدر قانون لحماية الناس من الموت كل يوم»، وذكرت داليا: «عموما لازم يكون فيه حل، لأن ميرضيش ربنا أن السواقين وأصحاب الحاجات المنقولة يخسروا لازم حل مرضٍ للكل».
المصدر