كتب | شادي زعبل
تداول رواد موقع التواصل الاجتماعي “فيسبوك” مقطع فيديو يظهر سرقة “مول مصر” بالسادس من أكتوبر في ليلة رأس السنة.
وكتبت إحدى السيدات التي نشرت الفيديو: سرقة مول مصر في ليلة رأس السنة.. المول لأول مرة يبقي زحمة من ساعة افتتاحه السنة اللي فاتت وموضوع السرقة بدأ بناس بتاخد الزرع اللي موجود في ممرات المول والمحلات وبعدين ناس بدأت تمد إيديها في الأكشاك اللي موجودة دي وتاخد من الحاجات المتغطية وعشان الدنيا تبوظ أكتر بدأ يقولوا لبعض دي هدايا بمناسبة السنة الجديدة!! والناس كلها هجمت تاخد اللي تقدر عليه وحاجات كتير جدا اتكسرت.
وتابعت: من وسط كل ده كان في ناس واقفه تتفرج وناس بتسرق وأمن المول كان غايب تماماً لمدة ١٠ دقايق كان كل حاجة في المكان ده اتسرقت.. المكان الوحيد اللي متسرقش هو اللي أنا كنت واقفة جواه كأني صاحب الحاجة أنا وواحد زميلي ولما الأمن وصل طبعا مكنش في أي حاجه يعملوها.. سلمناهم الفيديو ده وفيديوهات تانية وكالعادة مفيش حاجة حصلت وربنا يعوض على أصحاب الحاجات اللي اتسرقت.
يذكر أن مول مصر هو مول و مركز تجاري يقع بمدينة السادس من أكتوبر، افتتح في مارس 2017، على مساحة 165000 متر مربع، بتكلفة استثمارية بلغت 722 مليون دولار، وترجع ملكيته إلى مجموعة ماجد الفطيم.
للمزيد من الأخبار
بالفيديو.. تعليق عمرو أديب على «بطاريق» مول مصر
حقيقة خطوبة ابنة مالك «مول مصر» من ولي عهد دبي
إدارة «مول مصر» توضح حقيقة سرقة أحد البطاريق في «سكي إيجبت»
تابع الشرقية توداي على جوجل نيوز 
