زوجة ضحية حادث الإسماعيلية تكشف سرا في الواقعة
روت زوجة ضحية حادث الإسماعيلية كواليس الواقعة: “جوزي كان شغال أرزقي، بيجمع المسامير وبيبيعهم في السوق، ويوم الحادث كان طالع يجيب لنا عيش وطعمية علشان نفطر”
جالي حالة زهول لما شوفت جوزي مرمي على الأرض
وأضافت “جيهان مصطفى” خلال حوارها ببرنامج “من الجاني” المذاع على قناة “الحدث اليوم”: “وأنا قاعدة لقيت واحدة بتقول لعمتي في واحد موت جوزي، واحنا جرينا وأول ما شوفته مرمي على الأرض جالي حالة زهول ومعرفتش أكلم”.
ودخلت زوجة المجني عليه في حالة بكاء على الهواء، مستكملة: “وأنا في الطريق لقيت الناس بتسألني هو جوزك لابس كوتشي أبيض وشعره طويل؟ قولتلهم أه، قالولي جوزك مات، وكنت عماله أقول يارب ميكونش هو”.
جوزي كان غلبان وميعرفش المتهم
واسترسلت: “جوزي كان غلبان وميعرفش المتهم، هو صاحب سلفي وشغال معاه في حي السلام، لكن المتهم هو اللي عارف جوزي”، مضيفة: “جوزي كان تعبان ومبينزلش شغله، والمتهم جاب مكواة شعر علشان جوزي يصلحها، فاخته اخدتها منه وقالتله بس هو مبيصلحش مكاوي، قال لها بس أديهاله، ونسيت تقول لجوزي”.
وأوضحت: “المتهم جالنا تاني يوم وعينيه كلها شر، وماسك شنطة سودة في أيده ومشي من الشارع، وبعد خامس يوم جوزي نزل علشان يجيب لنا الفطار واللي حصل حصل”، مؤكدة أن المتهم ارتكب الجريمة تحت تأثير المخدرات.
تابع الشرقية توداي على جوجل نيوز 
