استنكر الإعلامي عمرو أديب إرجاع الفضل في فوز مصر بتنظيم نهائيات كأس الأمم الأفريقية 2019 إلى نجم الأهلي والمنتخب المصري الأسبق محمد أبوتريكة، متساءلًا: «يا بلد، هو إرهابي ولا مش إرهابي؟»
وقال في برنامجه على «MBC مصر»، مساء الأحد: «أنا عارف إني هتشتم على الكلام ده، لكن تنظيم كأس أفريقيا في مصر راجع للملف المصري، بلد فيها استادات وفنادق ومطاعم وبنية أساسية وجمهور».
وأضاف: «أنا مبقولش حاجة وحشة على أبوتريكة، على عيني وراسي، إنما مصر اللي فازت، هي مصر فازت عشان أبوتريكة، ماذا؟ إيه الجنان ده، طبعًا فيه ميغة وقنوات ومواقع إخوانية وقطرية، ما تفوقوا بقى».
وتساءل: «الصور الموجودة لأعضاء اتحاد الكرة وهما قاعدين مع أبوتريكة، أنا ميفرقش معايا، يا رب يكون المرشد أنا ماليش دعوة، إنما دول مسؤولين مصريين قاعدين مع أبوتريكة، إنتي بقى يا بلد قولي لنا هو إرهابي ولا مش إرهابي؟».
وتابع: «تيجي الدولة ممثلة في اتحاد الكرة تقعد مع أبوتريكة وبيقولوا للناس إنه هو اللي جاب لنا الكاس، وقالوا إن الإدارة المصرية استعانت بأبوتريكة، لأ في مصر، إحنا متشكرين يا أبوتريكة ومقدرين، لكن في مصر وإدارات ورؤساء دول».
تابع الشرقية توداي على جوجل نيوز 
