كتبت | مي عادل
قال الإعلامي «جابر القرموطي» أن المذيع محمد حسان قد أعلن على صفحته بموقع التواصل الاجتماعي فيس بوك عروسة للزواج بمواصفات خاصة .
وقال «محمد حسان» خلال مداخلة هاتفية مع الإعلامي «جابر القرموطي» في برنامج مانشيت القرموطي المذاع على قناة شاشة قناة «العاصمة2»: «انا بدور على الزواج عشان استقر والواحد لما يكون متصالح مع نفسو دا شئ إيجابي» .
وجاء الطلب كالآتي: «ياجماعة الي مكتوب دا بجد مش هزار انا بدور على عروسة فيها مواصفات أربعة لا غنى عنهم أن تكون متدينة وأقصد بكده انها بتعامل ربنا في كل تصرفاتها وانها تكون راقية واقصد بكده انها تكون شيك في تصرفاتها وانها تكون مش بتشتغل ومش هتشتغل وانها متعملش كند أو منافس ليا وهتكون أهم حاجة في حياتي لو كنت أهم حاجة في حياتها».
وأضاف: «ملحوظة مهمة انا كنت متجوز قبل كدا وعندي بنت 9 سنين يفضل إن السن يكون من 25 إلى 33 لأن انا عندي 37 سنة ويفضل لم يسبق لها الزواج ولو سبق ميكنش عندها أولاد» .
وتابع: «اي حد من أصدقائي اللي وصل عددهم 4830 عنده مواصفات دي يكلمني على الخاص ونجاملكم في الأفراح » .
واختتم حديثه مع القرموطي قائلاً: «انا قدامي عروسة من الشيشان وانا بالفعل ممكن اروح هناك اجيبها واجي لاني ببني حياتي».
https://www.youtube.com/watch?v=_BOIFZ7tcyo
تابع الشرقية توداي على جوجل نيوز 
