أصبحت “مها سامي”، فتاة في العقد الثاني من عُمرها، حديث الفتيات في تلك الآونة الأخيرة، وذلك للشبه الكبير بينها وبين الفنانة اللبنانية “نانسي عجرم”.
مها سامي هي إبنة مُحافظة بور سعيد، انتشرت صور زفافها مؤخرًا على الموقع الشهير “فيس بوك”، في مجموعات الفتيات اللاتي تداولن تلك الصور مُتسائلين عن مدى التشابه بينها وبين الفنانة.
وعلقت “مها” على هذا الشبه بينها وبين “نانسي عجرم” قائلة: “بحب نانسي عجرم وبحس الأضواء كلها عليا”، وأضافت “أنا مش بقلدها ولا بحط ميك آب وأقارن نفسي بيها خالص، الناس اللي بتشبهني بيها أول ما بيشوفوني”.
واستكملت حديثها قائلة: “أنا بحب نانسي جدًا، وأي حد بيشبهني بيها بتبسط جدًا، لأنها كمان شخص محبوب، وبحسها بسيطة وعفوية، فبحب أوي التشبيه ده وبيبسطني فعلاً”.
مواقف طريفة تطارد شبيهة نانسي عجرم
وتعرضت الشابة “مها” لمواقف بسبب ذلك الشبه بينها وبين المطربة الشهيرة، وعلقت عليها قائلة: “بحس الأضواء كلها عليا، في مرة فعلاً راجل عجوز وقفني وقالي أنتي الفنانة اللي بتغني دي، وكتير في المواصلات لدرجة أن حد قالي مرة شكلك ممكن تتغري علشان شبه نانسي عجرم، وأنا ده أمر مش بسعى ليه في الأساس”.
واستطردت مُؤكدة على صور زفافها المنتشرة أنها مُنذُ فترة ليست بالقصيرة مُعلقة: “أنا متجوزة من “7” سنين وأول حاجة قالهالي جوزي أنا بحبك أنتي مش علشان أنتي شبه نانسي خالص”، وتابعت: “عندي بنتين روزانا ورولا “7” سنين وسنتين، وبنتي الكبيرة فعلًا دايمًا تشبهني بيها بمجرد ما تشوفها في التلفزيون، والموضوع مُلفت جدًا”.
وختمت حديثها قائلة: “لما صور فرحي نزلت لقيت كله بيبعتلي إني شبهها خصوصًا في الجزء اللي حوالين الفم والخد، ورسمة العين، وده حقيقي وده اللي الكل ملاحظه، لكن عمري ما استغليت الشبه ده في أي حاجة أو قصدته”.
تابع الشرقية توداي على جوجل نيوز 
