وائل غنيم يطرح مبادرة “حوار المستقبل” لتحديد “شكل مصر”..ومغردون: “مالوش لازمة ظهورك في التوقيت ده”

كتب : أبانوب وجيه

 اقترح الناشط السياسى وائل غنيم مبادرة لحوار وطني يبدأ بالإعتماد على “الروابط الإنسانية”، و توثيقه على شبكات التواصل الاجتماعي.

وقال غنيم عبر حسابه الشخصى بفيس بوك: «تحت عنوان “#حوار_ المستقبل”، إن “مصر في لحظة صعبة، إحنا منقسمين وشايفين إن المعركة صفرية مع اللي مختلفين معاه ، كلنا عايزين نصفي حسابات الماضي ونعوض حقوق الناس اللي اتظلمت وماتت بس محدش عنده تصور إزاي ممكن نعمل ده وإزاي نرفع الظلم عن اللي عايشين منهم، وهل نقدر نتفق على مبادئ نعيش مع بعض عليها في المستقبل في دولة عدل تسعنا جميعا على اختلافنا؟”».

وأضاف: «إيه العمل؟ الحقيقة أنا معرفش الحل، ومعنديش تصور واضح و إزاي نخرج من الأزمة ، لكن بعد عدة نقاشات مع بعض الأصدقاء اللي بيني وبينهم تواصل إنساني برغم اختلافنا الفكري والسياسي، مقدرش أمنع نفسي من التساؤل: هل ممكن الوعي الجمعي للناس اللي بينهم روابط إنسانية يساعد في الوصول لحل؟».

وتابع: «دي مش فكرة جديدة، حصلت قبل كده في كتير من الدول اللي كان فيها صراعات وانقسامات مجتمعية، وضروري أوضح إن ده مش طرح بديل عن وجوب رفع الظلم ومواجهته أيا كان ضحاياه، لكن هو طرح معني بإزاي نلاقي حل جذري يمنع حدوث الظلم في المستقبل، وأكد أن الفكرة قد تكون حالمة الفكرة قد تكون حالمة ولكن في النهاية هو تفكير بصوت عالي».

وأثار اقتراح غنيم موجة من الجدل على مواقع التواصل الاجتماعي بين مؤيد ومعارض للفكرة وانتقادات حادة لشخصيته.

وقال ‏@waleed_101 عبر “تويتر”: “مالوش لازمة ظهورك في التوقيت ده ما تسعى إليه أو ما كلفت به لن يتحقق، عليك العودة إلى صمتك”.

وقال @egylow: “وائل مكلف بمهمة معينة لكن مش هايعرف ينفذها لانه انتهى وانكشف ولم يكن على قدر المبادىء والمثاليات التى تشدق بها”.

وقال ‏@Wezzaico: “شكل مصر الي عايزنها مايكنش فيها شكلك. يعني تتلهي كدة و تختفي انت و أيمن نور”.

بينما قال @ironman2500: “الفكرة اللي طرحتها ممتازة و تستحق المناقشة .. مفيش أمل في اللي أعمتهم أحقادهم عن التفكير في مستقبل مصر”.

وقال ‏@hossamjadsoltan: “نفسنا في دولة قانون يحترم القانون كل من يعيش علي ارض مصر هي الدوله الي بحلم بيها احترام القانون تعليم جيد يحكم من يحكم”.

تابع الشرقية توداي على جوجل نيوز