أعرب الممثل والمطرب محمد الشرنوبي عن سعادته، وذلك بعد أن قررت محكمة جنح الشيخ زايد حبس المنتجة سارة الطباخ غيابيًا سنتين مع الشغل وكفالة 2000 جنيه، على خلفية اتهامها بتبديد مبالغ مالية ضده بموجب توكيل رسمي، وخيانة الأمانة.
جاء ذلك من خلال منشور كتبه الشرنوبي على حسابه الرسمي على موقع التواصل الاجتماعي فيس بوك، تتضمن:
الحمد لله الحق ظهر، تم صدور حكم فى الجنحة رقم 1626 لسنة 2020 جنح الشيخ زايد، بحبس الممثلة القانونية لشركة إدارة أعمالي السابقة سنتين لتبديد المبالغ المالية التي في ذمتها بموجب التوكيل الرسمي وخيانة الأمانة، أظن الصورة وضحت.
وأضاف الشرنوبي: أنا كنت ساكت ومكانش نفسي الأمور توصل لكدة وكنت مقرر إني مش هتكلم تاني في الإعلام بس لقيت إصرار من الطرف الآخر إنه يقحم الإعلام ويشوه صورتي قدام الناس.. بس لو في حد واخد حق حد فالقانون والمحكمة قالت كلمتها، الشركة كان صادر ليها توكيل بموجب العقد اللي بيننا لإدارة أعمالي وبالتالي كانت بتتعاقد وتستلم كل مستحقاتي اللي هو الطبيعي إنها تستلم وتاخد نسبتها وتردلي الباقي وده مكانش بيحصل.
واستطرد: الممثلة القانونية للشركة خانت الأمانة وبددت كل أموالي اللي في ذمتها، وآخر صلح سلمت الشركة توكيل على أساس أننا هنفتح صفحة جديدة وتعهدت أنها هتسدد لي كل فلوسي اللي في ذمتها وده مثبت في محضر الصلح في غرفة صناعة السينما، وبالفعل نفذت المسلسل وبرضه مخدتش فلوسي.
واختتم كلامه قائلًا: لكل شركات الإنتاج برجاء عدم التعامل مع أي جهة أو شخص غير من خلالي شخصيًا، وعدم الالتفات لأي تحذير أو إنذارات تصدر من الشركة لأن ببساطة الهدف الوحيد هو تعطيل شغلي وتشويه صورتي والحصول على مبالغ مالية بدون وجه حق.
تابع الشرقية توداي على جوجل نيوز 
