قال حسن دياب، شقيق المحني عليه في حادث الإسماعيلية، أن شقيقه خرج آخر مرة من منزله لشراء الإفطار والخبز للأسرة، بعد ذلك تلقى مكاملة هاتفية لتخبره أن شقيقة توفى في شارع بحري بالإسماعيلية.
وأضاف حسن دياب خلال مداخلة هاتفية مع برنامج “على مسئوليتي” المذاع عبر فضائية “صدى البلد” اليوم الاثنين، أن الجاني كان يعمل معه ومع شقيقه الأكبر “عصام” في الخردة، ولم تجمعه أي علاقة بـ”أحمد” المجني عليه، موضحا أنه لا توجد أي مشاكل بينه وبين الجاني، قائلا: “كان لسه قاعد معايا أول البارح، معايا شغل وعايز اتصرف فيه، قولتله صوره وابعتهولي”.
واستكمل: “علاقتنا بالجاني كانت كويسة جدا، وكنا بنعتبره واحد من عيالنا، وبيدخل بيوتنا عادي، وأخويا الكبير عصام هو اللي مربيه، وعلمه الشغل”، لافتا: “لحد دلوقتي مش مصدقين اللي حصل منه، أنا اتصدمت إن عبد الرحمن هو اللي عمل في أخويا كده”.
وأردف حسن دياب: “حتى لو أخويا عامل مشكلة معاك، أنت عارفني وعارف أخويا عصام تعالى عرفني، لكن مفيش أي مشاكل بينه وبين أحمد” مشيرا أن شقيقه أحمد المجني عليه كان يعاني من مرض الكبد، قائلا: “أخويا راجل مريض وملوش علاقة بأي حد، حد لما عياله كانوا بيتخانقوا مع بعض كان يقول مليش دعوة مش هحوش بينهم، أحسن عيل يديني زقة وأنا مش مستحمل”.
وأشار “حسن” أن شقيقه المجني عليه قليل التعامل مع الآخرين بشكل عام، وليس لديه أي مشاكل مع أي شخص، وليس عليه ديون لأي شخص، موضحا أن لديه 7 أبناء، أصغرهم 5 سنوات وأكبرهم توأم 25 سنة، مؤكدا: “عيلتنا كلها ملهاش في المشاكل، والإسماعيلية كلها عرفانا وبتحبنا”.
تابع الشرقية توداي على جوجل نيوز 
