نشرت الفنانة مي كساب صورتها مع ابنتها فريدة، عبر حسابها على “إنستجرام”.
وعلقت مي على الصورة، قائلة: “طول عمري بخاف جدا أغني أغنية وطنية أو للأم، بحس إن في عندنا في التاريخ الموسيقي أغاني مهما عملنا مش هتيجي أبدا في مستواها، وطول عمري بحب أغني كلمات مش معتاده، وألحان سهله وبسيطة تتحفظ بسرعة من غير فزلكة”.
وتابعت: “يمكن الحظ ما ساعدنيش أني اخد حقي كمطربة، بس ده مش ذنبي للأسف احنا بنفتقد المنتج الموهوب، الفنان المنتج اللي يهتم بموهبه حقيقية ويعرف يستغلها صح، معظم أو كل النجاحات اللي موجودة على الساحة اجتهاد فردي بحت، فاقد لروح وجهد المجموعة، وده مش صح الفنان محتاج لمؤسسة تدعمه وتشتغل عليه، ودة اللي بتمناه وعندي أمل كبير جدا أن هيظهر المنتج الفنان وياخدنا على حصانه الأبيض”.
وأضافت مي: “ولحد ما دة يحصل بوعدكم السنة دي إن شاء الله بأغاني غير معتادة، ومفاجأت كتير ليا على مستوى الغناء، هبدأها معاكم بأغنية عيد الأم، اللي أول ما سمعت لحنها قلت لعزيز ايوة بقي يا بليغ، أغنيه “حبيبة قلبي” كلمات وألحان عزيز الشافعي، توزيع وسام عبد المنعم، هندسة صوتيه مصطفى رؤوف، إنتاج لامب استديوز”.
ويُذكر أن مي كساب تصور مسلسلها “سبع صنايع”، المقرر عرضه في رمضان المقبل، بطولة شريف رمزي مي سليم، وخالد عليش.
المصدر
تابع الشرقية توداي على جوجل نيوز 
