قال الدكتور طارق شوقي، وزير التربية والتعليم والتعليم الفني، أن الامتحان التجريبي القادم لطلاب الثانوية العامة، هدفه التدريب على شكل الامتحان النهائي.
وأشار “شوقي” خلال اتصال هاتفي ببرنامج “يحدث في مصر” المذاع عبر فضائية “إم بي سي مصر”، مساء الثلاثاء: “الطالب سيحصل على حلين متوازيين للامتحان كل واحد قائم بذاته، الأول التابلت وعليه الامتحان ونطامه للتصحيح، بالتوازي مع ورقة أسئلة مطبوعة وورقة إجابة “البابل شيت” ويتم تصحيحها إلكترونيا، كل ده لطمأنة الطالب”.
ووجه وزير التعليم نصيحة للطلاب: “أول ما تدخل اللجنة هتستلم كراسة الأسئلة وجنبها البابل شيت للإجابة، ومعاك التابلت بتاعك، احنا بننصحك تكتب اسمك على ورقة البابل شيت ورقم الجلوس، وبعدين تاخد الكود الموجود على ورقة الأسئلة وتفتح به الامتحان على التابلت”.
وتابع: “بعد كده تبدأ تشوف الأسئلة سواء من كراسة الأسئلة أو من شاشة التابلت، حسب راحتك، وبعد كده تختار إجابتك على البابل شيت وبعد كده على التابلت أو العكس حسب راحتك برضو، والموضوع مش هياخد ثواني، لأن الإجابات كلها اختيار من متعدد”.
واستكمل “شوقي”: “ليه بنقول التسلسل ده؟ علشان سمعنا كتير تخوفات من عناصر التكنولوجيا بصفة عامة، سواء كان ضعف شبكة الانترنت أو مشكلة في السيرفر أو انقطاع التيار الكهربائي، وبما إن في احتمال من حدوث هذه المشاكل حتى لو بنسبة ضعيفة، بنقول للطالب أمن إجاباتك واكتبها على البابل شيت علشت لو أي مشكلة حصلت مفيش حاجة تضيع عليك”.
تابع الشرقية توداي على جوجل نيوز 
