شن الفنان هاني شاكر، نقيب المهن الموسيقية، هجوما حادا على الفنان محمد رمضان، سبب عدم التزام الأخير بالظهور بالملابس المناسبة في حفلاته، إضافة إلى الحركات الغير لائقة التي يفعلها على المسرح، وكلمات أغانيه التي تحمل الكثير من التمجيد والتفجيم لذاته.
هاني شاكر يشن هجوما حادا على محمد رمضان
وأضاف شاكر، خلال لقائه مع برنامج “mbc Trending”: “محمد رمضان من حفلتين فاتوا مضى على إقرار بالالتزام باللبس والكلام والأغاني والحركات، لكن واضح أنه ملتزمش”.
واستكمل: “نقابة الموسيقيين مش جهة منع لكن في جهة مسئولة عن الكلام اللي بيقوله واللبس اللي بيظهر به في الحفلات، وهي المصنفات الفنية ودكتور خالد عبد الجليل، المنوطين بمتابعة أي لبس غير مناسب على المسرح أو كلام غير مناسب، أو أي شيء غير مناسب”.
وتابع: “الدكتور خالد عبد الجليل عنده الضبطية القضائية اللي يقدر بها ينفذ أي حاجة هو عايزها، لكن نقابة الموسيقيين دورها منح التصريح بالغناء أو لأ فقط، ومحمد رمضان عضو نقابة مينفعش يقولي عايز تصريح وأقوله لأ”.
وعن سبب إصداره قرار ضرورة الإلتزام بسلوكيات المهنة الصادر الموجه لمحمد رمضان، قال “شاكر”: “لبسه وكلامه عملته كسابقة مني أنا لمحمد رمضان لحبه له وخوفي عليه، وإني أنا عايز أنصحه بالأجمل والأحسن والأشيك على المسرح، هو ملتزمش هو حر وفي جهات أخرى تحاسبه”.
وتعليقا على أن محمد رمضان “رابر” وليس مطرب، واستايل الرابر في العالم أجمع معروف بنفس ملابس محمد رمضان، قال نقيب الموسيقيين: “مش كل حاجة في العالم برا تتعمل تبقى مناسبة لينا، ودي وجهة نظري، أنا عايز الحاجة اللي ولادي وأحفادي يشوفوها يستمتعوا بيها وتضيف لهم”.
وأردف: “اللون اللي بيقدمه محمد رمضان استعراضي، لكن مش كل اللبس اللي بيظهر به مناسب لينا في مصر والعالم العربي، ومش كل الأغاني اللي بيغنيها مناسبة، هو مش بيقول كلام خارج، لكن غناه بيعتمد كله على التفخيم والتمجيد لنفسه، وأنا قولتله يا محمد خد بالك من الحتة دي، مش لازم كل كلامك يكون معناه إنك نامبر وان، مش توصل ده للناس بالكلام وصله بعملك وبفنك، لكن هو واضح أنه لم طريقة تفكير تانية”.
شاهد هاني شاكر يشن هجوما حادا على محمد رمضان
تابع الشرقية توداي على جوجل نيوز 
